श्री आधारभूत विद्यालय
विक्रम सम्वत् २०३८ देखि बालबालिकाको भविष्य निर्माण गर्दै
Shaping Minds of Tomorrow
श्री आधारभूत विद्यालय मदवामा यहाँलाई स्वागत छ।
यस श्री आधारभूत विद्यालय मदवाको ऐतिहासिक पृष्ठभूमिलाई सरसरी हेर्दा यस विद्यालयको स्थापना वि.स.२०३८ सालमा समाजसेवी श्री अमृत चन्द ठाकुर र धनिराम थारुको सहयोग र पहलमा स्वयम्सेवक शिक्षक श्री भिम बहादुर मल्ल ज्यू ले स्थापना गर्नुभएको थियो र केही समय पछि स्वयम्सेवक शिक्षक भिम बहादुर मल्ल ज्यू ले गाउँ समाजको सहयोगमा २ कोठे खरले छाएको घरमा गाउँका स–साना बालबालिकालाई जुटाई विद्यालय सञ्चालन गर्नुभयो । त्यतिबेला यस विद्यालयले जिल्ला शिक्षा कार्यालयबाट स्वीकृत पाएको थिएन तसर्थ समाजसेवी श्री अमृत चन्द ठाकुरको निरन्तर प्रयासपछि श्री जिल्ला शिक्षा कार्यालयबाट यस विद्यालयले मिति २०३९/११/०६ गते स्वीकृत प्राप्त गर्यो र स्वयम्सेवक शिक्षक कार्यरत श्री भिम बहादुर मल्ल ज्यूलाई अस्थायी शिक्षक पदमा नियुक्ति गर्यो ।
निवर्तमान वडा अध्यक्ष श्री सिताराम थारुले यस विद्यालयलाई ०–०–११ धुर जग्गा प्रदान गर्नुभएको थियो । केही वर्षपछि गाउँ समाजको सहयोगमा ईटाको गाह्रो लगाईयो र जिल्ला विकासबाट कर्कटपाता ल्याई २ कोठे विद्यालय भवन निर्माण गरियो । त्यस बेला विद्यार्थीहरुलाई पिउँने पानीको निकै समस्या परेकोले कार्यरत प्र.अ.ले जिल्ला रेडक्रस सोसाईटी कपिलवस्तुमा पहल गरि पिउँने पानीको व्यवस्था गर्नुभयो ।
प्रधानाध्यापकको हार्दिक सन्देश
आदरणीय अभिभावक ज्यूहरू, कर्मठ शिक्षक र प्रिय विद्यार्थीहरू,
हामी सबैको साझा प्रयास – समर्पित शिक्षक, जिज्ञासु विद्यार्थी र उच्च आकांक्षा बोकेका अभिभावकहरूको सहकार्य नै शिक्षाको सार हो। शिक्षा, मानव विकासको अमूल्य आधारशिला हो। हाम्रो ध्येय आफ्ना नानीबाबुहरूको जीवनका हरेक आयाममा उत्कृष्ट गुणस्तर प्रदान गर्नु हो।
हामी यहाँ, उनीहरूको शारीरिक, सामाजिक, नैतिक, बौद्धिक र आध्यात्मिक विकासलाई रचनात्मक मार्गबाट सिञ्चित गर्न कटिबद्ध छौं। ताकि हाम्रा बालबालिकाहरूले जीवनका जटिल मोडहरूमा आत्मविश्वासका साथ पाइला चाल्न र आफ्ना दायित्वहरू कुशलतापूर्वक निर्वाह गर्न सक्षम होऊन्।
आजको विद्यालयको भूमिका केवल पुस्तकीय ज्ञानमा सीमित छैन। हामी हाम्रा विद्यार्थीहरूलाई आजीवन सिकारु, गहिरो विचारक र परिवर्तनशील विश्वको जिम्मेवार नागरिक बन्न प्रेरित गर्छौं। हाम्रो विद्यालयमा, शिक्षा र अतिरिक्त क्रियाकलापको सुन्दर संयोजनद्वारा हाम्रा कलिला मुनाहरूमा बलिया नैतिक मूल्यहरू रोपिरहेका छौं।
आउनुहोस्, हामी सबै मिलेर उनीहरूको उज्ज्वल भविष्य निर्माण गरौं!
समाचार र गतिविधिहरू
-
मासिक भित्ते पत्रिका प्रकाशन – २०८२-०६-०८
आज मिति २०८२-०६-०८ गते हाम्रो यस् श्री आधारभूत विद्यालय मदवमा…
-
प्रथम त्रैमासिक परीक्षाको नतिजा प्रकाशन तथा पुरस्कार वितरण
आज मिति २०८२/०४/१६ गतेका दिन हाम्रो यस श्री आधारभूत विद्यालय,मदवामा…